Drejtori financiar VIA: Në fund të gushtit nisin operimet komerciale

Drejtori financiar i VIA, Bujar Ejupi, ishte i ftuar këtë të enjte, 28 maj, në emisionin “Opinion”, Tv Klan, lidhur me çështjen e aeroportit të Vlorës. I pyetur se sa pasagjerë synon ky aeroport në vitin e parë të operimit dhe në kulmin e tij, Ejupi u shpreh se kapaciteti në fillim mendohet të jetë 3 deri në 4 milionë. “Terminali është menduar të mbarojë në faza të ndryshme, ku në fazën e parë të ketë një numër më të vogël. Pastaj, gjatë ndërtimit, është vendosur që të gjitha fazat të fillojnë që në start, në mënyrë që nga fillimi të ketë një kapacitet prej 3 deri në 4 milionë”, tha ai. Ejupi sqaroi se destinacionet kryesore nga ky aeroport mendohen të jenë fqinjët tanë, shtetet evropiane, ashtu sikurse synohet edhe kontinenti amerikan (gjë që u theksua edhe nga Ornela Çuçi më herët). “Fillimisht mendohen këto destinacione emigracioni, si Italia, Greqia, pastaj shtetet evropiane e më pas, nëse fillohet me Amerikën dhe me shtetet e tjera”, tha ai. Në kundërshtim me Ornela Çuçin, e cila u shpreh më herët në “Opinion” se nuk dihet ende kur mund të inaugurohet ky aeroport, Ejupi tregoi më shumë siguri. Sipas këtij të fundit, pritet që në fund të gushtit të bëhet certifikimi dhe të nisin fluturimet komerciale. “Me gjithë këto vonesat e vogla, ose problemet që ndodhën, mendohet që në fund të gushtit do të fillojë operimi. Komerciale… plani është që në fund të gushtit të fillojnë operimet që ne i quajmë ‘soft opening’, ku bëhet një hapje që është më e limituar në kapacitet, por që i mundëson fluturimet. Kështu, në fund të gushtit planifikohet të bëhet certifikimi, të fillojë me fluturime me kapacitete të limituara…”, u shpreh ai. Opinion nga Blendi Fevziu, emisioni politik më i ndjekur dhe më i preferuar në ekranet shqiptare. Arena e politikës shqiptare që prej 31 Gushtit 1997. Komente, analiza, debate, intervista, personazhe, dëshmi dhe fakte konkrete. Ngjarjet më të fundit dhe më të rëndësishme në jetën politike dhe sociale të vendit, me debatet, opinionet dhe analizat e të ftuarve në studio. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook: https://www.facebook.com/tvklan/ Follow Tvklan on Instagram: https://www.instagram.com/rtvklan/ Programet e Tv Klan mund t’i ndiqni edhe në faqen https://tvklan.al/programe/ #Opinion #BlendiFevziu #tvklan #AeroportiIVlorës #Vlora #VIA #BujarEjupi #OrnelaÇuçi #SoftOpening #FluturimeKomerciale #Turizëm