Tv Klan - Mbahet protesta e dytë për Zvërnecin në Tiranë

Qindra aktivistë, qytetarë dhe përfaqësues të organizatave mjedisore protestuan sërish pasditen e së hënës në Bulevardin Dëshmorët e Kombit në Tiranë kundër ndërtimit të resortit në Zvërnec. Ata u mblodhën fillimisht para Ministrisë së Brendshme, të cilën në mënyrë simbolike e rrethuan me tel me gjemba si përgjegjëse për atë që ndodhi në protestën e së shtunës në Zvërnec, ku forca të policisë private rrëmbyen dhe goditën protestuesit në prani të policisë së shtetit. Më pas ata marshuan drejt Kryeministrisë, ndërsa në duar mbanin një banderolë të madhe ku shkruhej  “Shqipëria nuk është në shitje”, si dhjetëra pankarta më të vogla me mesazhe në mbrojtje të mjedisit. Ata kërkuan dorëheqjen e kryeministrit Rama, anulimin e projektit dhe ruajtjen e statusit të zonës së mbrojtur për zvërnecin. Në fjalimet e mbajtura gjatë tubimit protestuesit theksuan se zhvillimi ekonomik nuk duhet të vijë në kurriz të mjedisit dhe se Zverneci përfaqëson një pasuri të rëndësishme natyrore dhe kulturore për vendin. Tubimi zgjati më shumë se 2 orë ndërsa protestuesit para se të shpërndaheshin i lanë 24 orë kohë qeverisë për të plotësuar kërkesat e tyre, duke paralajmëruar se në të kundërt do të mblidhen sërish të martën në orën 18. SUBSCRIBE to “RTV KLAN” on YouTube for more videos! Email: [email protected] Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook: https://www.facebook.com/tvklan/ Follow Tvklan on Instagram: https://www.instagram.com/rtvklan/ Programet e Tv Klan mund t’i ndiqni edhe në faqen https://tvklan.al/programe/