Edicioni i Lajmeve Tv Klan 1 Qershor 2026, ora 23:50 | Lajme - News

Lajme, #edicioniinformativ ora 23:50, 1 Qershor 2026 #TvKlan #klanlajme Spiker: Reis Çiço Headlines Mijëra qytetarë protestojnë për Zvërnecin në Tiranë: Të anulohet projekti Mijëra qytetarë protestuan për të dytën ditë radhazi para Kryeministrisë në mbrojtje të Zvërnecit, duke kërkuar anulimin e projektit për ndërtimin e resortit. Reagon kryeministri Rama, i cili thotë se nuk ka çfarë të anulojë, pasi një projekt i tillë nuk ekziston. Rama: Nuk kemi falur tokë shtetërore. Dhuna, e patolerueshme. S’ka lidhje me minoritetin Më herët, Rama hodhi poshtë pretendimet se shteti ka falur tokë shtetërore për resortin në Zvërnec, ndërsa e cilësoi si të patolerueshme dhunën e ushtruar nga rojet e sigurisë. Në një koment për Aleksis Cipras, ai tha se ngjarja nuk ka lidhje me minoritetin grek. U hiqet licenca 2 kompanive të sigurisë në Zvërnec. Hita: Policia e Vlorës dështoi në menaxhimin e tubimit Policia u hoqi licencën dy kompanive private të sigurisë që u përballën me protestuesit të shtunën në Zvërnec. Drejtori i Përgjithshëm i Policisë së Shtetit, Skënder Hita, tha se edhe uniformat blu të Vlorës dështuan në menaxhimin e tubimit. Zvërneci, Berisha: Dënoj dhunën ndaj protestuesve, PD mbështet investimet e huaja Edhe kryetari i opozitës, Sali Berisha, dënon dhunën e ushtruar nga policia private ndaj protestuesve në Zvërnec. Por ai thekson se PD mbështet fuqishëm investimet e huaja, duke i vlerësuar ato si të një rëndësie jetike për zhvillimin e Shqipërisë. Edhe qytetet e vogla nuk i shpëtojnë bullizimit online. Raporti: I përhapur në Kuçovë, Kukës e Gjirokastër Një raport i Ministrisë së Shëndetësisë zbulon se, krahas Tiranës, bullizimi online është mjaft i përhapur edhe në qytete të vogla, duke veçuar Kuçovën, Kukësin dhe Gjirokastrën. Ekspertët thonë se ky fenomen është një nga shkaqet e dhunës. Trump ndalon luftën Izrael–Hezbollah: Negociatat me Iranin po vazhdojnë Presidenti amerikan Donald Trump njoftoi se ka bindur Izraelin dhe Hezbollahun të ndalojnë menjëherë luftimet ndaj njëri-tjetrit. Kreu i Shtëpisë së Bardhë tha gjithashtu se negociatat me Iranin po ecin me ritëm të lartë. SUBSCRIBE to “RTV KLAN” on YouTube for more videos! Email: [email protected] Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook: https://www.facebook.com/tvklan/ Follow Tvklan on Instagram: https://www.instagram.com/rtvklan/ Programet e Tv Klan mund t’i ndiqni edhe në faqen https://tvklan.al/programe/