東張西望｜「播毒渣男」疑隱瞞性病一腳踏n船 害多名少女慘染生殖器官病變

【東張西望】「播毒渣男」疑隱瞞性病一腳踏n船 害多名少女慘染生殖器官病變 年輕有為，性格內斂，三觀正直，驟眼睇係一位鍾意煮飯嘅學校籃球教練，卻是一位被多名苦主指控刻意隱瞞身患性病嘅「播毒情人」？！ 《東張》先後收到多位事主報料，矛頭都指向呢位現年21歲嘅H先生。其中一名事主，喺同佢開始聲稱「一對一」嘅親密關係後，竟發現自己身患多種性病和生殖器官病變，由於自己喺呢幾個月只同H先生發生過性關係，馬上就鎖定H先生，仲發現佢同另一名小姐私會。 而呢位小姐，正是率先向《東張》報料嘅另一位事主，兩人對賬之後發現，佢哋從H先生處收到嘅甜言蜜語、鮮花、去過嘅酒店、甚至送俾佢哋做禮物嘅親筆畫都幾乎一模一樣。而另一名事主之後亦馬上去做檢查，查出自己患上相同嘅性病和生殖器官病變。 H先生一腳踏兩船，先後同兩位事主保持親密關係，而最令兩名事主生氣嘅，係佢明知自己有性病，仲仍然同佢哋發生關係。其中一名事主決定喺網上公開事件，竟引嚟H先生反駁，聲稱冇刻意傳播性病，更表示唔排除採取法律行動；更意想唔到嘅係，竟有更多苦主企出嚟聲稱自己同H先生發生過關係，而且都冇做保護措施。 其中又有一位事主報《東張》爆料。第三位事主同H先生交往嘅時間喺前兩名事主之間，三人核對電話紀錄先知，H先生同時溝佢哋三人，簡直無縫交接。當佢哋檢查性病得出結果之後，H先生已經封鎖佢哋，而且似乎有意避開同事主見面，但喺網上卻仍然能見到H先生向其他女性搭訕，尋找新目標嘅身影。 三位事主利用呢點，喺社交平台開假戶口，竟真成功釣出H先生，同攝製隊一齊喺健身房附近捉佢斷正。 H先生一邊用「已由律師信回覆」為由回避提問，亦否認自己有性病，強調自己有安全健康嘅驗身報告，但喺主持追問下，最終承認自己患有HPV。不過對於三名事主嘅追問，H先生始終抱持迴避嘅態度。 H先生亦留低電話俾《東張》主持，聲稱稍後再作回覆，不過直到截稿，仍然未收到佢嘅電話。 事主對H先生嘅態度深感不深感不忿，希望其他睇緊《東張西望》嘅香港女孩要提防這個人。 #東張西望 #TVB #渣男 #播毒 #民生 #時事 東張西望為你直擊香港民生時事：https://bit.ly/35Ba1zK 想免費睇番呢集嘅精彩內容？登入myTV SUPER免費點播最近7日TVB自製節目：https://su.tvb.com/q/eAHttNqm