Makina merr zvarrë çiklistin në Lushnjë, vdes 37-vjeçari

Një aksident me pasojë vdekjen ka ndodhur mbrëmjen e djeshme më 20 qershor në Lushnjë. Aksidenti ka ndodhur në aksin Lushnjë-Rrogozhinë pranë vendit të quajtur Ura e Rrogozhinës. Viktimë e këtij akisdenti ka mbetur shtetasi Taulant Veliu 37 vjeç, raporton gazetarja e Klan News Anila Sefa. 37-vjeçari mësohet se po ecte me biçikletë në krahun e kundërt të lëvizjes. Sipas hetimeve dhe dëshmive të marra në vendngjarje, personi me biçikletë fillimisht është përplasur me pasqyrën e njërit prej mjeteve. Si pasojë është spostuar në mes të rrugës, ku po kalonte një tjetër makinë tip Benz. Pikërisht kjo makinë e ka marrë zvarrë për disa metra, duke i shkaktuar vdekjen e menjëhershme. Policia shoqëroi dy drejtuesit e mjeteve për veprime hetimore. Policia, me anë të një deklarate ka sqaruar dinamikën e aksidentit me vdekje. Efektivët shprehen se dy drejtuesit e mjeteve që kanë përplasur viktimën janë arrestuar, nën akuzën “Shkelja e rregullave të qarkullimit rrugor”, me pasojë vdekjen. “Më datë 20.06.2026, rreth orës 23:30, në aksin rrugor “Lushnjë–Tiranë”, shtetasi T. V., 37 vjeç, duke udhëtuar me biçikletë, dyshohet se është aksidentuar nga një automjet me drejtues shtetasin B. M., 41 vjeç, dhe më pas dyshohet se është përplasur edhe nga një automjet tjetër me drejtues shtetasin F. M., 39 vjeç. Si pasojë e aksidentit rrugor, shtetasi T. V. ka humbur jetën në vendngjarje. Shërbimet e Policisë kanë identifikuar dhe shoqëruar në Komisariat dy drejtuesit e automjeteve, për kryerjen e veprimeve procedurale të nevojshme, të cilët, në përfundim të veprimeve të para hetimore, janë arrestuar në flagrancë si të dyshuar për kryerjen e veprës penale “Shkelja e rregullave të qarkullimit rrugor”, me pasojë vdekjen, parashikuar nga neni 290/3 i Kodit Penal. Grupi hetimor, nën drejtimin e Prokurorisë, vijon kryerjen e veprimeve hetimore për sqarimin dhe dokumentimin e plotë të rrethanave të aksidentit”, njoftojnë uniformat blu. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook: https://www.facebook.com/klannews Follow @klannews on Instagram: https://www.instagram.com/tvklannews/ #KlanNews #KlanNewsLajme #TvKlan