Presidenti i Olimpakos përplaset me nipin e Mitsotakis

Pronari i Olimpiakosit dhe Nottingham Forest, Evangelos Marinakis, u përfshi në një incident në tribunat e finales së Euroligës në basketboll që u zhvillua në Athinë mes Olimpiakosit dhe Real Madridit. Në pamjet që qarkulluan në rrjetet sociale, 58-vjeçari shihet me një bluzë të bardhë të grisur, ndërsa bënte gjeste dhe debatonte përtej barrierave në tribunë, në një situatë që tërhoqi vëmendjen e të pranishmëve dhe mediave sportive. Sipas asaj që raportojnë mediat greke, Marinakis është konfliktuar me nipin e kryeministrit grek Kyriakos Mitsotakis, Grigoris Dimitriadis. Gjithsesi, nga pamjet e publikuara nga tifozë të pranishëm në tribunë, shihet që palët ofendojnë njëri-tjetrin fillimisht dhe më pas janë përplasur edhe fizikisht. Sakaq, konflikti mes pronarit të klubit grek dhe nipit të kryeministrit Mitsotakis ka prapavijë politike, me palët që janë përplasur që nga viti 2022. Ndërkohë, skenat e ndodhura në finalen e famshme të basketbollit kanë bërë xhiron e rrjetit, teksa Marinakis largohet me bluzën e grisur. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook: https://www.facebook.com/klannews Follow @klannews on Instagram: https://www.instagram.com/tvklannews/ #KlanNews #KlanNewsLajme #TvKlan