Artan Hoxha tërhiqet nga gara për President, denoncon mungesën e civilizimit politik-11 Qershor 2012

Lajme arkiva 2012 Artan Hoxha, kandidati i mazhorancës për President, u tërhoq nga gara, atëherë kur u mendua se vendi do të kishte më në fund një President. Në fakt, ai që në nisje të bëhej pjesë e procesit, ndaj edhe në këtë dalje të fundit si kandidat për President, nga zyra e tij në Qendrën e Studimeve Bashkëkohore, u rezervua të bëjë komente për gazetarët, duke i mëshuar asaj çka imponon Kushtetuta për momente të tilla. Por vetëm pak minuta më pas, gjithçka do të përmbysej dhe Hoxha do të bënte publike arsyet që e tërhoqën nga kjo garë, që fryma e politikës e kishte mbushur procesin me një atmosferë aspak civile. Nën zë, jashtë ndikimit të kryetarit edhe vetë socialistët e përgëzuan z. Hoxha për këtë kandidim, por kjo nuk do të ishte e mjaftueshme për të shmangur atë që z. Hoxha e quan agresivitet të të gjitha llojeve të akuzave të bajatosura në këto 22 vite. Ja si e motivon ai largimin nga gara për President: “Deri pas mbledhjes së mbrëmshme kam shpresuar se procesi presidencial do të mbante frymën minimale të mirëkuptimit dhe konsensualitetit. Madje edhe sot në mëngjes, pasi kam marrë me qindra e qindra mesazhe urimi, një pjesë e mirë e të cilave më kanë ardhur nga individë brenda dhe pranë Partisë Socialiste, kam vazhduar të shpresoj se procesi presidencial premtonte ende mirëkuptim dhe konsensus. Por, duke parë qëndrimet e eksponentëve socialistë dhe pranë tyre, të cilët filluan të përdorin me agresivitet dhe egërsi të gjitha llojet e akuzave të bajatosura në këto 22 vite, përfshi shpifje dhe shantazhe, arrita në përfundimin se procesi presidencial nuk mund të ketë as minimumin e civilizimit dhe të njerzillëkut dhe aq më pak të vullnetit të mirë për zgjidhje të arsyeshme dhe konsensuale. Arrita të kuptoj se në procesin presidencial, për shkak të interesave politike, nuk lejohet të kontribuojnë faktorët civilë. Unë e kam ndjekur nga shumë pranë procesin presidencial, kam komentuar dhe shkruar në favor të zgjidhjes së arsyeshme dhe konsensuale. Mendova të kontribuoj në instancën e fundit për të njëjtin qëllim, por për gjithçka shpjegova më lart deklaroj se nuk mund të jem më pjesë e këtij procesi, i cili mesa duket, paralajmëron furtunë.”/tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni n\u00eb faqen https://tvklan.al/video/ Follow Tvklan on Facebook: https://www.facebook.com/tvklan/ Follow rtvklan on Instagram: https://www.instagram.com/rtvklan/ Programet e Tv Klan mund t\u2019i ndiqni edhe n\u00eb faqen https://tvklan.al/programe/