Tv Klan - Rama: Pa PS në krye s’ka Shqipëri në BE me të drejta të plota

Nga Dibra, në takimin për 35-vjetorin e Partisë Socialiste, kryeministri Edi Rama u shpreh se forca politike që ai drejton ka në ADN interesin kombëtar. Kryesocialisti u shpreh i bindur se anëtarësimi i Shqipërisë në Bashkimin Europian do të bëhet realitet vetëm nga PS. Rama u ndal edhe tek drejtësia e re, duke kujtuar rëndësinë e ndarjes së pushteteve. Sipas tij, pavarësisht kostove, PS do ta mbështesë atë, pavarësisht goditjeve që mund të vijnë prej saj. “Ne po e bëjmë demokracinë që të funksionojë, pavarësisht të gjitha vështirësive dhe kostove. Të gjitha këto janë kostot e një ndërmarrjeje historike, që mund ta bëjë vetëm PS. Kur një pushtet pranon të goditet nga një pushtet tjetër si ai i drejtësisë, atëherë rruga e të drejtave dhe barazisë para ligjit është e sigurt”, tha ai. Përpara socialistëve dibranë, me krenari, Edi Rama foli për Rrugën e Arbrit: “Erdha me vonesë. Unë e di që nuk është një orë rruga, por Ulsiu i ka bindur të gjithë se rruga është 55 minuta. Erdha pak me vonesë, por fajin e ka Ulsiu”. Dibranëve iu kujtoi përsëri batutën e tij gjatë fushatës elektorale të zgjedhjeve të kaluara. “U bë një takim shumë popullor dhe i përfolur për punën e çyrykëve. Unë nuk e kisha pritur që faktikisht gjithë çyrykët do provokoheshin dhe do hidheshin përpjetë, duke thënë që ne jemi burra, ndërkohë burrat e mençur shkuan pas grave dhe Dibra nxori nga kutitë fitoren më të madhe në zgjedhje”, shtoi Rama. Ndërsa theksoi se nga PS-ja dhe lideri i saj historik, Fatos Nano, u sulmuan pa të drejtë për lidhjet me Serbinë, në një kohë që sipas tij ishte e kundërta. “Ata që i bombardonin ishin ata që ditën flisnin për Kosovën dhe natën thyenin embargon që bota demokratike i kishte vënë Millosheviçit dhe i shisnin naftë. Ishte PS, duke filluar nga qeveria e Nanos, që nuk la asgjë pa bërë për ta mbështetur UÇK-në”. Në festimet për 35-vjetorin e PS-së në Dibër, Rama kujtoi gjithashtu se kjo forcë politike, që në nisje nga drejtimi i Nanos, u shkëput qartazi nga e shkuara dhe në momente të caktuara është karakterizuar nga toleranca. SUBSCRIBE to “RTV KLAN” on YouTube for more videos! Email: [email protected] Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook: https://www.facebook.com/tvklan/ Follow Tvklan on Instagram: https://www.instagram.com/rtvklan/ Programet e Tv Klan mund t’i ndiqni edhe në faqen https://tvklan.al/programe/