Aksident tragjik në Lushnje, humb jetën 43-vjeçari

Një aksident i rëndë me pasojë vdekjen ka ndodhur në orët e para të mëngjesit të kësaj të marte, në rrethrrotullimin e Plasmasit në Lushnje. Gazetarja e Klan News Anila Sefa raporton se ngjarja ka ndodhur rreth orës 04:30, ku drejtuesi i automjetit, shtetasi E.Xh, 43 vjeç, banues në Karbunarë të Vogël, ka humbur kontrollin mbi mjetin që drejtonte. Nga pamjet e siguruara në vendngjarje, duket që automjeti është shkatërruar pothuajse plotësisht si pasojë e daljes nga rruga. Dyshohet se mjeti është përplasur fillimisht me ishullin e trafikut në rrethrrotullim dhe më pas ka përfunduar i përmbysur. Menjëherë pas njoftimit, në vendngjarje kanë mbërritur shërbimet e Policisë dhe grupi hetimor. Sipas të dhënave paraprake, 43-vjeçari ka ndërruar jetë në vendngjarje si pasojë e plagëve të marra. Paraprakisht dyshohet se një nga shkaqet e këtij aksidenti tragjik mund të ketë qenë shpejtësia e lartë e lëvizjes së automjetit, ndërsa hetimet vijojnë për zbardhjen e plotë të rrethanave të ngjarjes. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook: https://www.facebook.com/klannews Follow @klannews on Instagram: https://www.instagram.com/tvklannews/ #KlanNews #KlanNewsLajme #TvKlan